பொட்டலம்

முகமூடி (மூடியமுகமாகவே) - திரைப்பார்வை

என்னதான் மற்றவர்களை கணக்கெடுக்காமல் ஓவராக தாறுமாறாக பேசினாலும் சிலரிடம் இருக்கு மதிப்பு குறைவதில்லை. அதுபோலதான் இயக்குனர் மிஸ்கினிடம் ஒரு எதிர்பார்ப்பு கலந்த மதிப்பு சினிமா ரசிகர்களிடயே இருந்து வருகிறது. சித்திரம்பேசுதடி, அஞ்சாதே, நந்தலாலா, யுத்தம்செய் என்று இவரால் வந்த படைப்புக்கள் வித்தியாசமானவை இவரது தனி முத்திரையை வெளிப்படுத்தியவை. இவரது முதல் 2படங்களும் சூப்பர்ஹிட்டாகவும் நந்தலாலா பெரிதாக சோபிக்காமலும் (பலதரப்பாலும் பெரிதாக பாராட்டப்பட்டாலும்) யுத்தம்செய் முதலுக்கு மோசமில்லாது நன்றாகவும் போயிருந்தது.

உலகசினிமாவை உல்டா பண்ணுகிறார் (நந்தலால படத்திற்கே முக்கியமாக எழுந்தது) என்று ஆங்காங்கே கூச்சல்கள் எழுந்தாலும் திரையுலகில் இவரது பயணம் உறுதியாக முன்னோக்கி சென்று கொண்டிருக்கிறது. இயக்குனராக வசனகர்த்தாவாக பாடகராக நடிகராக என்று பல அவதாரங்கள் அனைத்திலும் கலக்கி இருந்தவர்தான் இந்த மிஸ்கின்.

தனது கனவுப்படம் (Dream Movie) என்றும் தமிழ் சினிமாவில் முதலாவது Super Hero Filmஎன்றும் மிஸ்கினால் அறிமுகப்படுத்தப்பட்ட படம்தான் இந்த முகமூடி. தனது முதல் இரு படங்களுக்கும் இசைக்காக சுந்தர்.C.பாபுவையும் அறிமுகப்படுத்தி பயன்படுத்திய இவர் நந்தலாலாவுக்கு இளையராஜாவையும் இறுதியாக யுத்தம் செய்யிற்கு புதுமுகமாக இசையமைப்பாளர் Kயையும் அறிமுகப்படுத்தியிருந்தார். மிஸ்கினின் படங்களில் பாடல்களுக்கு கிடைக்கும் முக்கியத்துவத்திலும் பின்னணி இசைக்கு தனியொரு முக்கியத்துவம் கிடைப்பது வழமை. எனினும் நந்தலாலா தவிர்த்து சித்திரம்பேசுதடியிலிருந்து ஒவ்வொரு படத்திலும் டப்பாங்கூத்து பாடல் ஒன்று வந்து அந்தவருடத்தின் சூப்பர்ஹிட் என்கிற அளவுக்கு அது வெற்றியும்பெற்று வந்துள்ளது. யுத்தம்செய்யில் ஒரு பாடலிலும் கலக்கலான பின்னணி இசையினுாடாகவும் அறியப்பட்ட Kயையே மீண்டும் முகமூடிக்கும் கழமிறக்கியிருந்தார் மிஸ்கின்.

படம் எப்பிடி என்கிற கேள்விக்கு முதல் ஏன் இதை மிஸ்கின் தமிழின் முதலாவது Super Hero படமெண்டு சொன்னார் என்கிறது புரியாத புதிராகவே இருக்கிறது. எனக்கு தெரிந்தவரை ஆங்கில படங்களில் வருகின்றதுபோல ஆச்சர்ய அமானுச சக்திகளை கொண்ட ஹீரோவைப்பற்றிய கதைகளே Super Hero படங்களில் உள்ளடங்கும். இந்தப்படத்திலேயே நரேன் அடிக்கடி சொன்ன படப்பெயர்களான SuperMan SpiderMan IronMan போன்ற படங்கள். ஆனால் தமிழ் சினிமாவில் வந்த கந்தசாமி வேலாயுதம் படங்களை யாரும் அந்த Categoryக்குள் போடுவார்களா? அப்பிடி போடப்பட்ட படம்தான் இந்த முகமூடியும். Atleast ஜித்தன் படத்தில் வந்த மாதிரியேனும் ஒரு அற்புதசக்திகூட ஹீரோவுக்கு இல்லை. ஆனால் சில சகாசங்களை செய்கிறார் ஹீரோ. தமிழ்சினிமாவில் அமானுச சக்திகள் கொண்ட ஹீரோக்கள் வருவதை மக்கள் ஏற்றுக்கொள்ள மாட்டார்கள் லாஜிக் இல்லை என்பார்கள் என்பதால்தான் இப்பிடி என்றால் சும்மா ஒரு மனிதர் வெவ்வேறு இடங்களுக்கெல்லாம் கணப்பொழுதில் போகும் லாஜிக்கை என்னவென்று சொல்வது. ஒரு திறமையான இயக்குனர் இப்பிடி எதையோசித்து செய்தார் என்பது புரியாத புதிர்தான்.

படம் முதல்பாதியில் மிஸ்கினின் அரசாட்சி என்று சொல்லும்படியாக அவரது வழமையான பாணியில் சுவாரஸ்யமாக வேகமாக நேரம்போவதே தெரியாமல் போகின்றது. குடும்பம், அடிதடிஅக்சன், காதல், மர்மமனிதர்கள் திரில் என்று அற்புதமாக பிணைக்கப்ட்டு அனைத்து காட்சிகளும் நேர்த்தியாக சென்றிருந்தது. ஆனால் இரண்டாம்பதியோ எடுத்துக்கொண்ட Story Concept சொதப்பலால் முதல் பாதியின் வேலைகளை மறக்கசெய்யக்கூடியவாறு சும்மா ஏனோதானோவென்று சென்றுவிட்டது. சொல்ல வந்த கதையின் வினைதான் அது. மிஸ்கின் எடுத்துக்கொண்ட கதை படத்தை சுவாரஸ்யமாக 2வது பாதியில் கொண்டு செல்லவிடவேயில்லை. இந்த கதையைகொண்டு படத்தை சுவாரஸ்யமாக ஆக்கியும் இருக்கேலாது. மிஸ்கினும் சொதப்ப தொடங்கி விட்டார் என்று 2வது பாதியில் அனைவரும் உணர்ந்திருப்பார்கள். படம் மொக்கை விசர் கேவலம் என்று சொல்லவில்லை. ஆனால் படம் வாய்க்கவில்லை ”பார்க்கலாம் ரகம்” என்பதனுள்தான் இந்த 2வது பாதி சொதப்பாலால் சொல்லலாம்.

சண்டைக்காட்சிகள் நன்றாக இருந்தாலும் சூப்பர்ஹீரோ Subject என்று சொன்ன பில்டப்பிற்கு ஏற்றவாறு பெரிதாக சண்டைக்காட்சிகள் இருக்கவில்லை. ஜீவா கொடுத்தவேலையை அழகாக செய்திருக்கிறார். வழமையான அவரின் அலட்டலில்லாத அளவான நடிப்புடன் அழகாகவும் தெரிகிறார். (நீதானே என்பொன்வசந்தத்தின் பாதிப்போ தெரியவில்லை). அறிமுக ஹீரொயின் பூஜா கெஹ்டேயிற்கு பெரிதாக காட்சிகள் இல்லை. நடிப்பையும் கணிக்க முடியவில்லை. நரேனிற்கு இறுதி காட்சிகள் தவிர பெரிதாக பேசுவதற்குரிய காட்சிகள் இல்லை. எனினும் நரேன் காட்சிகளில் எதிர்பார்த்தளவு மிரட்டவில்லை.

படத்தின் அல்பத்தில் மொத்தம் 3 பாடலகள் என்றாலும் சின்மயி பாடிய ”மாயாவி” பாடல் படத்தில் இடம்பெறவில்லை. அதன் ஆரம்ப beatகள் இடையிடையே பயன்பட்டாலும் முக்கியமாக படம் நிறையும் தருவாயில் அந்த ஆரம்ப இசையை மட்டும் போட்டார்கள் பாட்டை கடைசிவரை காட்டவேயில்லை. மிஸ்கின் பாடிய ”நாட்டில நம்ம வீட்டில” பாடல் மெட்டு வேறு அதே மாதிரி பாடல்களை ஞாபகப்படுத்தினாலும் அந்த டப்பாங்கூத்து பாடல் எடுக்கப்பட்ட விதமும் பாடலும் நன்றாக இருந்தது. பெரிதாக ரசிக்கப்பட்ட ”வாய மூடி சும்மா இருடா” பாடல் வெளிநாட்டில் எடுக்கப்பட்டிருந்தது நன்றாக Visualsம் வந்திருந்தது.

யுத்தம்செய் போலவே படத்தின் பின்னணி இசை படத்தின் ஊன்றுகோல். அதிரடியான கலக்கல் இசையை வழங்கியிருந்த இசையமைப்பாளர் K இன்னும் யுத்தம்செய் பாதிப்பிலிருந்து மீளவில்லை என்பது பின்னணி இசையிலும் ”வாய மூடி சும்மா இருடா” பாடல் இசையிலும் தெளிவாகியிருந்தது. ”யுத்தம்செய்”இல் மர்மமான இடங்களில் பெரும்பாலும் போடப்பட்ட அந்த இசை மீண்டும் இங்கேயும் பெரிதாக தலை காட்டியிருந்தது. என்றாலும் பல இடங்களில் Kயின் பின்னணி இசைதான் படத்தின் ஹைலட்டே.

பெரிதாக எதிர்பார்க்கபட்ட முகமூடி கடைசிவரை மூடியமுகமாகவே சென்றது ரசிகர்களுக்கு பெரிய்ய ஏமாற்றம்தான். முதல்முறையாக மிஸ்கினில் தடுமாற்றத்தை இந்தப்படத்தில் உணர்ந்தேன்.

HarrisJeyarajhக்கு ஆதரவாக ஒரு குரல் (திரைதகவல் பெட்டகம்-IX)

தொடக்க டிஸ்கி: ஹாரிஸ்ஜெயராஜ்க்கு முழுதாக ஆதரவு குரல் கொடுக்கவே இந்த பதிவு. மற்ற இசையமைப்பாளர்களை குறைசொல்லவோ கலாய்க்கவோ இல்லை.ஹாரிஸின் எதிர்ப்பாளரென்றால் வாசிக்க முதலே Close பண்ணிடுங்க.

பெரும்பாலும் 2006க்கு பிறகு வந்த ஹாரிஸின் அல்பங்கள் ஹிட் ஆகிறதோ இல்லையோ பெரும்பாலும் எல்லாத்தரப்பிலும் பலத்த குற்றச்சாட்டுக்களை எதிர்கொள்கிறது. பெரும்பாலும் இந்த குற்றச்சாட்டுக்கள் இரண்டு வகைக்குள்ளேயே அடங்கி விடுகிறது. 1-->இவர் வேறு மொழி பாடல்களை லாவகமா ஆட்டய போட்டு தனது பாட்டுக்களை ஹிட் ஆக்குகிறார். 2--> தான் முதலே பயன்படுத்திய மெட்டுக்களை திரும்ப திரும்ப பயன்படுத்துகிறார்.

இதிலும் குறிப்பிட்டு சொல்லும்படியான பாரிய்ய ஹாரிஸை கேலிப்படுத்தும் தாக்குதல்கள் பெரிய்ய ஹீரோக்களின் படங்களின் அல்பம் வெளியாகிறபோதே சுனாமிபோல பெரிய்ய அலையாக கிளம்பும். அண்மையில் வந்த அல்பங்களே இதுக்கு பெரிய்ய எடுத்துக்காட்டு. சூர்யாவின் 7ம் அறிவு, மாற்றான் விஜயின் நண்பன் போன்ற அல்பங்கள் கடும் ஏளனப்படுத்தல்களை எதிர்கொண்டது. ஆனால் ஜெயம்ரவியின் எங்கேயும் காதல், ஜீவாவின் கோ, உதயநிதியின் OKOK போன்ற அல்பங்கள் ஏலவே குறிப்பிட்ட பெரிய்ய மாஸ் ஹீரோக்களின் அல்பங்கள் எதிர்கொண்ட குற்றச்சாட்டுகளுடன் ஒப்பிடும்போது இல்லையென்று சொல்லும் அளவுக்கு அங்காங்கே சொற்பமான அடிகளையே வாங்கியிருந்தது.

இதுவரை வந்த அல்பங்களை கொண்டு 2012ன் Super Hit அல்பம் என்று நண்பனை சொல்லிவிடலாம். ஹாரிஸ் வழமையான பாணியிலிருந்து கொஞ்சம் மாறி புதுமைகளை புகுத்தியிருக்கிறார் என்று நடுநிலையாளர்களால் கூறப்பட்ட இந்த அல்பமும் வழமைபோல சகட்டு மேனிக்கு தாக்கப்பட்டது. நண்பனில் பழைய மாதிரியான ஹாரிசின் மெட்டுக்கள் இல்லையென்று சொல்லவில்லை. ஆனால் சம்பந்தம் சம்பந்தமே இல்லாத பக்திபாடல் மெட்டுக்களுடன் beatகள் ஒத்துப்போகாத தருணங்களில் கூட ஹாரிஸ் எதிர்பாளர்கள் இது அதின்ர கொப்பி அப்பிடி இப்பிடி என்று கூச்சலிட்டிருந்தனர்.

அண்மையில் மாற்றான் பாடல்கள் கேட்டபோது பெரும்பாலான பாடல்கள் எனக்கும் வேறு பாடல்களை ஞாபகப்படுத்தியதுதான்.

1. கால் முளைத்த பூவே - ”சுந்தரி சிறிய ரெட்டைவால்” கன்னத்தில் முத்தமிட்டால் படத்தில்
இரண்டு பாடல்களும் அப்பிடியே ஒரே மெட்டு என்று சொல்லேலாது. ஆரம்பத்தில் Mouth Organனோடு தொடங்கும் chorus இசையும் (ரகுமானின் பாடலும் Mouth Organனுடனேயே ஆரம்பிக்கிறது) இடையிடையே வரும் பெண்களின் Chorous இசையும் இந்தப்பாடலை எனக்கு ஞாபகப்படுத்தியது.

2. நானி கோனி ராணி - தொடக்க இசை பச்சைக்கிளி முத்துச்சரம் ”கரு கரு விழிகளால்” பாடலை ஞாபகப்படுத்தியது. அதோடு பாடல் பூராவும் வரும்மெட்டு ஆதவன் ”ஏதோ ஏதோ பனித்துளி” பாட்டை ஞாபகப்படுத்தியது. ஆதோடு அயனின் ”நெஞ்சே நெஞ்சே”க்கு அடித்த drums அடியும் இதிலே பின்னணியில் வந்தது.

3. இரட்டை கதிரே - எல்லோருக்கும் தெரிந்தது அயனின் டைட்டில் Song "வானம் யாவும் மேகம்”

மற்ற 2பாடல்களும் எங்கயோ கேட்டமாதிரி இருந்தாலும் என்ன பாடல்களை போல் அந்தப்பாடல்கள் இருக்கின்றது என்று கண்டுபிடிக்க முடியல. இதில் நிச்சயமாக இரட்டைக்கதிரே பாடல் KV.Anandன் வேண்டுகோளுக்காகவே அந்த அயன் Title Song மெட்டிவிருந்து உருவப்பட்டிருக்கும். வித்தியசமான அந்த மெட்டு அயனில் வந்தபோதே இது ஒரு முழுப்பாட்டாக வந்திருக்கலாம் என்று கவலைப்பட்டோரில் நானும் ஓராள்.

ஹாரிஸ் இப்பிடி பம்மாத்து காட்டி உல்டா விளையாட்டுக்கள் பண்ணும்போது எனக்கு Strike பண்ணுறதை ஹாரிஸ் ரசிகனாக இருந்தபோதும் நானும் பதிவுகள் மூலம் சொல்லிதான் வந்திருக்கிறேன். அது GV.பிரகாஸாக இருந்தால் என்ன யுவன்சங்கர்ராஜாகவிருந்தாலென்ன. ஆனால் இப்போது பொதுவாக எல்லா தரப்பிலும் இருந்து அடிவாங்குபவர் ஹாரிஸ் மட்டும்தான். இந்த விளையாட்டுக்களை ஹாரிஸ் மட்டுமல்ல எல்லாரும்தான் செய்கிறார்கள் ஆனால் ஹாரிஸ் கொஞ்சம் ஓவராக செய்கிறார்.

2010ன் சிறந்த படமான மைனா பட பாடல்களும் அப்போது பெரு வரவேற்பை பெற்றது. அதில் ”நீயும் நானும்” பாடல் ஆரம்ப்பிக்கும் மெட்டும் AR.Rahmanன் கருத்தம்மா பட உன்னிமேனன் சுஜாதா பாடிய ”போறாளே பொண்ணுதாயி”ல் ”வெள்ளாமை நீதான் வெள்ளாடு நாந்தான் வெட்கத்த விட்டுத் தள்ளம்மா”, "வெள்ளாம காட்ட விட்டுத் தர மாட்டா பண்பாட்ட கட்டிக்காக்கும்” வரிகள் அப்பிடியே மைனாவின் ”நீயும் நானும் வானும் மண்ணும் நினைச்சது நடக்கும் புள்ள” மெட்டுடன் ஒத்துப்போயிருந்தது.

வேட்டையில் யுவன்சங்காராஜாவின் ”தைய தக்கா” பாடல் ஆரம்பிக்கும்போது (0.30s-0.37s) இடையில்(3.55s-4.02s), இறுதியில்(5.10s-5.17s)இடைவெளிகளிலும் வரும் ஒரு இசைசெருகல் அப்பிடியே விஜய்அன்ரனியின் வெடி பட "இச்சு இச்சு கொடு” பாடலின் (0.07s-0.20s) இசைசெருகலுடன் அப்பிடியே ஒத்துப்போகிறது. வெடி பாடல்கள் முதலிலும் வேட்டைபாடல்கள் பின்னரும் வந்தது.

அண்மையில் ”எங்கேயும் எப்போதும்” புகழ் இசையமைப்பாளர் சத்யாவின் 4வது திரைஅல்பம் ”பொன் மாலைப்பொழுது” வெளிவந்து நல்ல வரவேற்பை பெற்றது. அதில் இடம்பெற்ற ”அடிக்கடி முடி களைவதில் அபகரித்தாய்” பாடல் அப்பிடியே ஹாரிஸ் ஜெயராஜின் ஆதவன் ”ஏதோ ஏதோ பனித்துளி” பாட்டை ஞாபகப்படுத்தியது.

இப்பிடி அப்பிடி இப்பிடின்னு சொல்லிக்கொண்டே இருக்கலாம்.
திருப்ப திருப்ப ஒரே கதையுடன் வரும் மசாலாபடங்களை ரசிக்கிறோம். வேறு மொழி பட, Novel களின் inspirationனுடன் வரும் படங்களை கூட ரசிக்கிறோம் மெச்சுகிறோம். ஏன் ஹாரிஸின் ஆட்டைகளை குறைகூறினாலும் சொந்த நல்ல மெட்டுக்களை பாராட்டலாம்தானே?

முடிவு டிஸ்கி: ஹாரிஸையும் இவ்வளவு ரசிக்கிறனே. இவனுக்கு இசையறிவே இல்லையா? என்று யாரும் கேட்டால் எனக்கு அது இல்லாமலே இருந்து விடட்டும்!!

DirectX Render To Texture(RTT)ன் பயன்பாடு - I

”பொட்டலம் இப்போதெல்லாம் வெறுமனே திரைப்பட விமர்சனங்களை மட்டுமே காவி வருகிறது. வேறுவிடயங்கள் வருவதேயில்லை. வெறும் boringகா இருக்கிறது” என்பவர்களுக்கான சிறப்பு பதிவு இது. முதன்முதலாக முற்றுமுழுதான தொழில்நுட்பதிவாக இது வருகிறது. எனினும் இந்தப்பதிவு நிச்சயமாக குறைந்தளவு ஒருவருக்காவது பயனுள்ளதாக இருக்கும்.

நான் வேலை பார்க்குமிடத்தில் செய்யும் வேலைகள் பெரும்பாலும் ஒரு Game Engineஐயே மையமாக கொண்டது. அதாவது Project IGI போன்ற Military Video Game போன்ற ஒன்றை அடிப்படையாக வைத்தே எமது வேலைகள் பின்னப்பட்டிருக்கிறது. வேறு பாணியில் சொன்னால் அந்த Game இற்கும் பாவனையாளர்கள்(Users)இற்கும் இடையிலான தொடர்பை (API -Application Interface) மேற்கொள்ளக்கூடிய செயல்பாடுகளை செய்வதே எமது வேலை.

அப்படியான செயற்பாடுகளில் ஒரு சிக்கலான வேலைதான். அந்த Game இலே நாம் விரும்பும் Objectsகளை வரைவது. அது அடிப்படை உருவங்களான முக்கோணம், செவ்வகம், வட்டம்,பல்கோணி என்பதிலிருந்து சிக்கலான உருவங்கள் வரை அது செல்லும். உண்மையில் வெறொரு Game Engineனின் Deviceல் dependஆகி எமது வேலைகளை செய்வது சற்று சிரமமானது. நாங்கள் நினைத்தபடி எடுத்தோம் கவிழ்த்தோம் என்று முடிவுகளை எடுத்து தொழிற்பட முடியாது. நாங்கள் தங்கியிருக்கும் Engine எவ்வாறு இயங்குகிறது மற்றும் அது மட்டுறுத்தியிருக்கும் விடயங்களை நாம் அறிந்தபிறகே முடிவுகளை எடுக்கவேண்டும்.

DirectX தவிர OpenGL போன்ற வேறு பல Techniquesகள் Video Gamingல் இருந்தாலும் நாங்கள் உபயோகிக்கும் DirectXல் உள்ள ஒரு சிறு நுணுக்கமான பிரயோசமான வேலையை பற்றியே இங்க பாக்கவுள்ளோம். பெரும்பாலும் DirectX என்று இங்கு சொல்வதெல்லாம் Microsoftன் Direct3D librariesஐதான். DirectX என்று பொதுவாக சொல்வது Direct3D, DirectDraw, DirectMusic, DirectPlay, DirectSound போன்ற எல்லா APIஐயும் சேர்த்துதான் எனினும் இவற்றில் Direct3Dயே பெரிதாக அறியப்பட்ட முக்கிய part என்பதால் DirectX, Direct3D மாறி மாறி ஒரே கருத்துக்காக பயன்படுத்தபடுவதுண்டு. இங்கே போடப்பட்ட தலைப்பில் உள்ள DirectX, Direct3Dயையே குறிக்கிறது.

Render To Texture என்ற பகுதி Direct3Dல் ஒரு பிரயோசமான பகுதியாகும். வெறொரு DirectX Deviceலும் தங்கியிருக்காது நாங்களாக சொந்தமாக create செய்து எமது பூரண கட்டுப்பாட்டில் வைத்து செய்யும் Applicationsகளுக்கு இந்த Render to Texture (RTT) என்ற தொழில்நுட்பம் பெரும்பாலும் தேவைப்படாது. எனினும் இது பயன்படக்கூடிய சந்தர்ப்பமாக இதை சொல்லலாம். நாங்கள் Textureல் (IDirect3DTexture9) எங்களுக்கு தேவையான பொழுதில் தேவைப்பட்டதை Renderபண்ண இந்த முறை முக்கியமாக தேவைப்படும். பின் இந்த render செய்த textureஐ (kind of surfaceஐ) வேறொரு தருணத்தில் பயன்படுத்தலாம்.

எனக்கு இதன் தேவைப்பாடு உணர்ந்த தருணம் இதுதான். நான் ஏலவே சொன்னதுபோல ஒரு Game Engineனிலேயே எமது செயற்பாடுகள் தங்கியிருக்கிறது. அந்த Gameனின் சில callbacksமூலமாக எமக்கும் Gameறக்கான தொடர்பாடல்கள் இடம்பெறும். அப்பிடியான ஒருசில callbackகளின் செயற்பாடுகள் ஒரு புது Game Versionனில் முற்றிலுமாக மாறிவிட்டிருந்தது. முதலில் எந்த வரையறையுமின்றி எந்த callbackகளிலும் பாவிக்ககூடியதாக இருந்த IDirect3DDevice9* புதியதில் ஒரு சில callbackகளிலேயே பயன்படுத்தக்கூடியதாக இருந்தது. தொடர்சியாக ஒன்றை கீறுவதென்றால் ஒரு frequentஆக call பண்ணப்படும் callback இருப்பது அவசியம். அந்த callbackல் device தரப்படாது deviceஉடன் தொடர்புடைய வேலைகளை செய்ய மட்டுறுத்தப்பட்ட இன்னொரு Interface வழங்கப்பட்டது. இந்த புதிய Interfaceல் இல்லாத IDirect3DDevice உடன் தொடர்பான ஒரு தொழிற்பாடு தேவையெனின் சும்மா சிரிச்சுக்கொண்டு இருப்பதை தவிர வேறொன்றும் செய்ய இயலாது.

2D Texts Drawn on Screen

எங்களது இலக்கோ Game Environmentல் 2D ல் அதாவது Screen Displayல் Textஐ Draw பண்ணுவது. ID3DXFontமூலமாக இலகுவாக இதை செய்துவிடலாம் ஆனால் ID3DXFont Objectகளை frame by frame call பண்ணும் callbackல் உபயோகிப்பது மட்டுறுத்தப்பட்டிருந்தது. (directX device இந்த callbackல் வழங்கப்படாமையால்) எனவே IDirect3DDevice access உள்ள இடத்தில் எமது Textஐ ஒரு IDirect3DTextureல் Render செய்து அந்த Textureஐ எமது frequent callbackல் பயன்படுத்திவிட்டால் இந்த இலக்கை அடைந்துவிடலாம்.

பதிவு பெருத்துவிட்டதால் அடுத்த பாகத்தில் C++ code snippetகளுடனும் விளக்ககுறிப்புகளுடனும் சந்திப்போம்!!!